Երեւանում այսօր՝ ժամը 18.00-ին մեկնարկում է ՀՀԿ գործադիր մարմնի նիստը, որտեղ, ամենայն հավանականությամբ, կքննարկվի ՀՅԴ-ի հետ կոալիցիա կազմելու հարցը:
Քիչ առաջ ՀՀԿ շենք է մտել ՀՀ կրթության եւ գիտության նախարար Արմեն Աշոտյանը, որը սակայն չի ցանկացել պատասխանել իր պաշտոնակության հետ կապված որեւէ հարցի՝ նշելով. «Ամեն ինչ նիստից հետո կասի ՀՀԿ խոսնակ Էդուարդ Շարմազանովը, եթե թարմ լուր եք ման գալիս, իզուր»։
Քիչ առաջ ՀՀԿ կենտրոնական գրասենյակ են ժամանել Երեւանի քաղաքապետ Տարոն Մարգարյանը, Կապի եւ տրանսպորտի նախարար Գագիկ Բեգլարյանը, ՀՀԿ մամուլի քարտուղար Էդուարդ Շարմազանովը, Սփյուռքի նախարար Հրանուշ Հակոբյանը, նաեւ Արմավիրի մարզպետ Աշոտ Ղահրամանյանը, ով սակայն ՀՀԿ ԳՄ-ի անդամ չէ:
Լուսանկարները՝ Արսեն Սարգսյանի/NEWS.am