Կանադացի Բրայան Ռիդը ամենաարագ շարժիչով գերանն է ստեղծել: 240 տարեկան ծառի ամբողջական գերանից պատրաստված մեքենան 76.625 կմ/ժ արագություն է զարգացրել: Ձեռքբերումը գրանցվել է Գինեսի ռեկորդների գրքում:
Ըստ Road and Track-ի, Cedar Rocket անունը ստացած ավտոմեքենան կառուցվել է Mazda RX-7-ի հարթակի վրա: Այն գործարկվում է էլեկտրական շարժիչի օգնությամբ: Ռիդի խոսքով, ինքն ու իր թիմը շարժիչների տարբերակներ են քննարկել, արդյունքում որոշել են ամբողջությամբ էլեկտրական շարժիչ օգտագործել:
Motor-ի փոխանցմամբ, ավելի ուշ մեքենան վաճառվել է Barrett-Jackson աճուրդում: Ստացված միջոցներն ուղղվելու են պատերազմի վետերանների օգնությանը:
Բրայան Ռիդը Pioneer Log Homes of B.C. ընկերության հիմնադիրն ու ղեկավարն է, որը զբաղվում է փայտե տների կառուցմամբ: Բացի այդ, նա նկարահանվում է կանադական HGTV հեռուստաալիքի Timber Kings շոուում: