Սենատոր Ռոբերտ Քենեդիի սպանության համար դատապարտված միգրանտ Սերհան Սերհանը, որը 50 տարի բանտում է անցկացրել, կրկին վաղաժամ պայմանական ազատ արձակման է հավակնում: Վերջին տարիներին նա փորձել է այդպիսի որոշման հասնել 2009 թվականի հոկտեմբերին, 2012-ի սեպտեմբերին եւ 2013-ի նոյեմբերին: Նոր լսումները կայանալու են 2016 թվականի փետրվարի 10-ին, Սան Դիեգոյում:
Սերհան Սերհանը ծնվել է Երուսաղեմում: Պաղեստինա-հորդանանյան ծագմամբ միգրանտը ցմահ ազատազրկման է դատապարտվել ԱՄՆ նախագահի եղբոր՝ սենատոր Ռոբերտ Քենեդիի սպանության համար, քանի որ 1972 թվականին Քալիֆորնիայում մահապատիժն արգելված էր: Հիմա Սերհանը 71 տարեկան է եւ կրկին փորձում է ազատ արձակվել:
Ըստ AmericaRU.com-ի, այս բոլոր տարիների ընթացքում նա հավաստում է, որ չի հիշում 1968 թվականի հունիսի 5-ի իրադարձությունները, հատկապես՝ Ռոբերտ Քենեդիի սպանությունը: Նրան մերժում են ազատ արձակման հարցում, քանի որ նա «բավականաչափ զղջում չի ցուցաբերել եւ չի հասկացել իր հանցագործության հրեշավորությունը»: