Ռուսական ավիախմբի օդանավերը Սիրիայում փետրվարի 4-11-ը 510 մարտական թռիչքների ընթացքում ահաբեկիչների մոտ 1.9 հազար թիրախ են խոցել։ Այս մասին հայտնել է ՌԴ ՊՆ պաշտոնական ներկայացուցիչ Իգոր Կոնաշենկովը, փոխանցում է «ՌԻԱ Նովոստի»-ն։
«Անցած շաբաթ ռուսական ավիախմբի օդանավերը Սիրիայի Արաբական Հանրապետությունում 510 մարտական թռիչք են իրականացրել, որոնց ընթացքում Հալեպի, Լաթաքիայի, Համայի, Դեր Զորի, Դարաայի, Հոմսի, Հասաքեի եւ Ռաքքայի նահանգներում ահաբեկիչների1888 թիրախ են խոցել»,- ասել է նա։