Time Out ամսագրի մոսկովյան տարբերակի գլխավոր խմբագիր Գենադի Ուստիյանը խնդրել է, որ գրեթե բոլոր աշխատակիցները աշխատանքից ինքնակամ ազատվելու դիմում գրեն: Պատճառը սոցցանցում ստեղծված գաղտնի չաթն էր, որտեղ աշխատակիցները բացասական կողմից էին քննարկում նրան, հայտնել է գլխավոր խմբագիրը իր Facebook-յան էջում: Հաղորդագրության ամբողջական տեքստը սոցցանցի օգտատերերի սահմանափակ քանակության համար է հասանելի:
Գլխավոր խմբագիրը նշել է, որ ուրախությամբ մասնագիտական բնութագիր կտա աշխատանքից ազատված յուրաքանչյուր աշխատակցի՝ նշելով «Հրաշալի աշխատող է: Ճիշտ է ներողություն չի խնդրում 40 րոպե ուշացումով աշխատանքի գալու համար եւ աշխատանքային ժամերին էլ զբաղված է չաթով,որտեղ ձեզ է քննարկում», հայտնում է Lenta-ն:
Ուստիյանը «Time Out Մոսկվան» ղեկավարում է 2014 թվականից: Նախկինում նա The Hollywood Reporter-ի ռուսական տարբերակի խմբագիրն էր, նաեւ կանանց համար Wonderzine օնլայն պարբերականի ղեկավարը եւ Interview ամսագրի գլխավոր խմբագրի տեղակալը: Որպես լրագրող աշխատել է նաեւ L’Officiel, Glamour и Harper’s Bazaar պարբերականներում, գրել Playboy –ի ու «Օմ»-ի համար:
