ԱՄՆ-ում գեղեցկության սրահի այցելուն, դժգոհ մնալով վարսավիրի աշխատանքից, փորձել է վրեժ լուծել նրանից։ Միջադեպը տեղի է ունեցել Սան Դիեգո քաղաքում, հայտնում է Lenta-ն՝ վկայակոչելով DH.be կայքը։
Տեղի ոստիկանության տեղեկություններով՝ 29-ամյա Ադրիեն Բլանշ Սուեյնը կտրել է մազերը 619 Barber Shop գեղեցկության սրահում, սակայն ոճաբանի աշխատանքից դժգոհ է մնացել, քանի որ սարսափելի սանրվածք է ստացել։
Որոշ ժամանակ անց կինը, ատրճանակով զինված, վերադարձել է գեղեցկության սրահ եւ երեք անգամ փորձել կրակել ոճաբանի վրա, սակայն ատրճանակը խցանվել է, եւ վարսավիրը չի տուժել։
Վարսավիրն ու պատահական այցելուն հասցրել են վնասազերծել կնոջը նախքան ոստիկանության ժամանելը։ Կնոջ դեմ սպանության փորձի մեղադրանքով քրեական գործ է հարուցվել։