Հայաստան բանանի ներմուծման շուկայում հովանավորչության փաստեր չեն գրանցվել։ Այս մասին փետրվարի 11-ին Կառավարության նիստից հետո, լրագրողներին ասել է Հայաստանի տնտեսական մրցակցության պաշտպանության պետական հանձնաժողովի նախագահ Արտակ Շաբոյանը։
Հարցին, թե ինչու այդ դեպքում Հայաստանի ԴԱՀԿ պետ Միհրան Պողոսյանին պատկանող «Կետրին» ընկերությունից բացի, հայկական շուկայում ուրիշ մեկը չկա, Շաբոյանը պատասխանեց. «Մեր հանձնաժողովին չի հետաքրքրում, թե ով է ընկերության հիմնադիրը կամ բաժնետերը։ Մենք միանման ենք նրանց նկատմամբ կիրառում ազգային օրենսդրությունը։ Իսկ եթե ձեռներեցները շուկա մտնելիս բախվում են արգելքների, նրանք կարող են դիմել մեզ»։