Գիտնականները պնդում են, որ միջին չափերի աստերոիդի անկումը կհանգեցնի երկրագնդում ջերմաստիճանի նվազման եւ դրա հետեւանքով անբերրիության եւ սովի:
Հետազոտողները հաշվարկել են, որ եթե մեր մոլորակին 1 կմ տրամագծով աստերոիդ հարվածի, դա կհանգեցնի երկրագնդի կլիմայի կտրուկ փոփոխության:
Մասնագետները նման եզրակացության են հանգել այն բանից հետո, երբ համանման իրավիճակ են մոդելավորել, տեղեկացնում է Informing-ը:
Այսպես, պարզվել է, որ երկրագնդի վրա 1 կմ տրամագծով աստերոիդի անկումը 15 կմ տրամագծով կոն կառաջացնի, ինչն իր հերթին կհանգեցնի նրան, որ մթնոլորտում մեծ քանակությամբ փոշի կհայտնվի, իսկ լայնածավալ հրդեհները օդ կբարձրացնեն շատ մուր: Վատագույն դեպքում փոշին մթնոլորտում կմնա 6 տարի, իսկ մուրը` 10:
Գիտնականները համարում են, որ փոշու եւ մրի մասնիկները արեւի ազդեցությամբ կսկսեն ոչնչացնել երկրագնդի օզոնային շերտը, երկրագնդի միջին ջերմաստիճանը կնվազի ըստ Ցելսիուսի 8 աստիճանով, ինչը կհանգեցնի բույսերի բերքատվության նվազման:
Մասնավորապես, նման սցենարի դեպքում բերքատվության աղետալի անկում է սպառնում նախ եւ առաջ Եվրոպային, Հյուսիսային Ասիային եւ Հյուսիսային Ամերիկային: