Կիպրոսի քրիստոնյա եւ մահմեդական առաջնորդներն փետրվարի 10-ին իրենց լիակատար աջակցությունն են հայտնել էթնիկապես միասնական պետության վերականգնմանն ուղղված ընթացող բանակցություններին: Նրանք նշել են, որ իրենց միասնական դիրքորոշումն այս հարցում լավ օրինակ է ծառայում խաղաղության եւ համագործակցության համար այնպիսի տաևրածաշրջանում, որտեղ կրոնական հողի վրա հակամարտություններ են տեղի ունենում:
Հույն ուղղափառ եկեղեցու ներկայացուցիչ արքեպիսկոպոս Խրիսոստոմոս, մահմեդական մուֆտի Թալիփ Աթալայը, մարոնի քրիստոնյա արքեպիսկոպոս Յուսեֆ Սուեյֆը, լատին եւ հայ առաքելական եկեղեցու ներկայացուցիչները նշել են, որ աջակցում են ընթացող խաղաղ բանակցություններին, որը լավագույն հնարավորությունն է երկարատեւ խաղաղության հասնելու համար:
«Ամբողջ տարածաշրջանի համար, որն այս պահին տառապում է, մենք կարող ենք լավ օրինակ ծառայել», - Աթալայը:
Հոգեւոր առաջնորդները հանդես են եկել հայտարարությամբ, ՄԱԿ-ի բանագնաց Էսփեն Բարթ Էյդի հետ հանդիպումից հետո: Վերջինս բարձր է գնահատել կրոնական առաջնորդների «ուժեղ կամքը»:
Նշենք, որ 1974 թվականին Թուրքքիայի զորքերը ներխուժել են Կիպրոս, որի հետեւանքով երկիրը բաժանվել է երկու մասի՝ միջազգայնորեն ճանաչված Կիպրոսի Հանրապետության եւ ինքնահռչակ Հյուսիսային Կիպրոսի Թուրքական Հանրապետության, որը ճանաչել է միայն Թուրքիան:
Կիպրոսի Հանրապետության նախագահ Նիկոս Անաստասիադիսը եւ թուրքական հատվածի ղեկավար Մուստաֆա Աքընջըն նշել են, որ առաջընթաց է գրանցվել ինն ամիս տեւած բանակցությունների ընթացքում, բայց կարեւոր խնդիր է մնում այն, թե ինչպես պետք է վարվել պատերազմի ժամանակ լքված գույքի հետ: