Հետխորհրդային տարածքում միջին եւ փոքր բիզնեսների համար իրենց ներդրումային լավ կլիմայով առանձնանում են Հայաստանն ու Բելառուսը: Այդ մասին NEWS.am-ի թղթակցին հայտնել է ԱՊՀ-ի հետ տնտեսական կապերի չեխական պալատի տնօրեն Ֆրանտիշեկ Մասոպուստը:
«Երբ Չեխիայում փոքր ընկերություններն ինձ հարցնում են, թե որտեղ գործընկերներ գտնեն համատեղ գործի համար, եթե խոսքը տասնյակ եւ հարյուրավոր մլն-ների ներդրումների մասին է, նրանց ասում եմ` գնացեք ըստ այբուբենի` Արմենիա, Բելառուս», - ասել է նա:
«Հայ գործընկերների հետ վաղեմի եւ ամուր կապեր են հաստատված: Այնտեղ մենք լավ ընկերներ եւ գործընկերներ ունենք: Այդ պատճառով երկար չենք սպասի եւ էլի կգանք», - հավելել է Մասոպուստը:
