ԱՄՆ-ի պետքարտուղար Ջոն Քերրին հայտնել է, որ Մյունխենում Սիրիայի իրավիճակի վերաբերյալ լուրջ զրույց կունենա ՌԴ արտգործնախարար Սերգեյ Լավրովի հետ, տեղեկացնում է «ՌԻԱ Նովոստին»:
«Մենք լուրջ բանավեճ կունենանք Սիրիայի իրադարձությունների բոլոր կողմերի վերաբերյալ», — ասել է ամերիկյան արտաքին գերատեսչության ղեկավարը Մյունխենում Լավրովի հետ հանդիպմանը:
Նա նշել է, որ կողմերը կքննարկեն նաեւ ՍԱՀ-ում մարդասիրական իրավիճակը:
Լավրովը եւ Քերրին Մյունխենում Սիրիայի աջակցության միջազգային խմբի (ՍԱՄԽ) նիստի նախօրեին երկկողմ հանդիպում են ունենում: Սիրիական կարգավորման շուրջ բազմակողմ բանակցությունները Բավարիայի մայրաքաղաքում տեղի կունենան Մյունխենյան անվտանգության համաժողովի նախօրեին: