Արմեն Ջիգարխանյանին այսօր սրտի հետ կապված լուրջ խնդիրների պատճառով հասցրել են Մոսկվայի մասնագիտացած սրտաբանական կլինիկաներից մեկը: Դերասանին մայրաքաղաքային կլինիկա է տարել նրա երիտասարդ կինը: Բժիշկները,  հռչակավոր հիվանդի բողոքները լսելով, նրան անմիջապես  տեղավորել են ինտենսիվ թերապիայի բաժանմունքում: Այնտեղ անմիջապես հետազոտել են նրան, տեղեկացնում է Lifenews-ը:

80-ամյա Արմեն Ջիգարխանյանը սրտի իշեմիկ հիվանդություն ունի: Հիվանդության ֆոնին անկայուն ստենոկարդիա է ի հայտ եկել: Հետազոտության արդյունքում դերասանը ինտենսիվ թերապիայի կուրս կստանա, բժիշկները նրա վիճակը գնահատում են որպես միջին ծանրության: