Ռուս-թուրքական հակամարտության սրման դեպքում կվտանգվի նաեւ ԼՂՀ հակամարտության լուծման հարցը: Այս մասին NEWS.am-ի հետ զրույցում ասաց ԱԺ ՀՀԿ խմբակցության պատգամավոր Լեռնիկ Ալեքսանյանը` նշելով, որ աշխարհաքաղաքական այս իրավիճակում Ղարաբաղի հակամարտության լուծումը կամ պատերազմն է, կամ էլ ստատուս քվոյի պահպանումը:
«Ղարաբաղյան հակամարտության լուծումը կամ պատերազմն ա, կամ էլ ստատուս քվոյի պահպանումը, այս հարցը կարճ ժամկետում լուծել հնարավոր չէ, քանի որ Ադրբեջանի եւ Հայաստանի մոտեցումներն այս հարցում շատ տարբեր են: Պատերազմը շատ վտանգավոր ա, Աստված չանի պատերազմ սկսվի. եթե ժողովրդի ձեռքը զենք է ընկնում, այդ զենքն օգտագործում են նաեւ այլ նպատակներով` ներքին քաղաքական խնդիրները լուծելու համար: Ըդհանրապես, երբ քաղաքական վիճակը խառնվում է, աշխարհում ագրեսիան շատանում է, դրանից ելնելով, կարող եմ ասել, որ ինչքան պատերազմ չլինի, այդքան Ղարաբաղյան խնդիրը կայուն կլինի: Ջուրը երբ պղտորվում է, ձուկ բռնողները շատանում են եւ այս իրավիճակում մեզ պատերազմ հարկավոր չի»,-ասաց պատգամավորը: