Դեռահաս աղջիկը, որին «Բոկո Հարամ»-ի զինյալներն ուղարկել էին ահաբեկչություն իրականացնելու համար, որոշել է չպայթեցնել իրեն եւ հանձնվել է իշխանություններին: Այս մասին գրում է Gazeta-ն՝ վկայակոչելով Associated Press-ը:
Տեղի ինքնապաշտպանության ուժերի ներկայացուցիչները պատմել են, որ զինյալներն աղջկան հրահանգել են իրեն պայթեցնել մարդաշատ վայրում: Սակայն զինյալների վախեցած պատանդը վրայից հանել է մահապարտի գոտին եւ հանձնվել ապստամբներին: Ավելի ուշ նա ցույց է տվել նետած պայթուցիկը:
Ըստ Gazeta-ի, նա «Բոկո Հարամ»-ի ծրագրած այլ ահաբեկչությունների մասին տեղեկություն է հայտնել: Մասնավորապես, նա պատմել է, որ իրեն գործողության են ուղարկել երկու այլ աղջիկների հետ միասին, որոնց պատճառով շուրջ 60 մարդ է զոհվել: