Google ընկերությունը բարձր տեխնոլոգիական համակարգչային սաղավարտ է մշակում, որը թույլ կտա զգալ վիրտուալ իրականության աշխարհը, հայտնում է «ՌԻԱ Նովոստի»-ն՝ վկայակոչելով Wall Street Journal-ը։

Ի տարբերություն մյուս սարքերի՝ սաղավարտը անձնական համակարգչին միացնելու կարիք չունի։ Սարքը, որի անունը դեռ հայտնի չէ, կազմված է լինելու էկրանից, հզոր պրոցեսորներից եւ տեսախցիկներից։

Մշակումներն ընթանում են խիստ գաղտնիության պայմաններում։ Թերթի աղբյուրների տեղեկություններով՝ նորամուծությունը կարող է ներկայացվել արդեն այս տարի։ Մեկ այլ աղբյուրի փոխանցմամբ էլ նախագիծը դեռ վաղ մշակումների փուլում է, երբ այն կարող է ուղղակի ջարդոնի վերածվել։