SOCAR Turkey Energy-ի ղեկավար Քյանան Յավուզի կրեդիտ քարտից 80 հազար մանաթ (ավելի քան 120 հազար դոլար) են գողացել։
Դա պարզվել է այն բանից հետո, երբ Յավուզը չի կարողացել առեւտրի կենտրոնում վճարումներ կատարել քարտով, հայտնում է ԱՊԱ-ն՝ վկայակոչելով Vətən թերթը։ Բանկի ներկայացուցիչը հայտնել է, որ քարտը փակվել է։ «Դուք ինքներդ եք հայտնել քարտը կորցնելու մասին եւ խնդրել եք փակել այն։ Նոր կրեդիտ քարտը ուղարկել ենք Ձեր հասցեով»,- ասել են բանկից։ Քյանան Յավուզը հայտնել է, որ ինքը բանկ չի դիմել։
Հետաքննության ընթացքում պարզվել է, որ քարտից գողացել են 150 հազար թուրքական լիրա։ Իրավապահ մարմինները գտել են կասկածյալներին։