Երեւանի քաղաքապետ Տարոն Մարգարյանը, «Վեոլիա Օ-Քոմփանի Ժենեղալ դեզ Օ» ընկերության «Վեոլիա Ինվայրենմենտ»-ի Կենտրոնական եւ Արեւելյան Եվրոպայի գործադիր փոխնախագահի տեղակալ, ՀՀ տարածաշրջանի ղեկավար Մալիկա Գենդուրին եւ «Երեւան Ջուր» ՓԲԸ գլխավոր տնօրեն Գոռ Գրիգորյանը ստորագրել են «Երեւանի ջրմուղ-կոյուղի» ՓԲԸ սպասարկման տարածքի ջրային համակարգերի վարձակալության պայմանագրի գործողության ժամկետի երկարացման մասին համաձայնագիրը:
Քաղաքապետարանից NEWS.am-ին հայտնում են, որ եռակողմ ստորագրված համաձայնագրի համար հիմք է հանդիսացել ՀՀ կառավարության 2015թ. հոկտեմբերի 15-ի N1233-Ն որոշման 8-րդ կետը «Վեոլիա» ընկերության հետ բանակցելու վերաբերյալ Երեւանի քաղաքապետին արված առաջարկությունը, համաձայն որի «Երեւանի ջրմուղ-կոյուղի» ՓԲԸ սպասարկման տարածքի ջրային համակարգերի վարձակալության պայմանագրի գործողության ժամկետը երկարաձգվել է մինչեւ 2016թ. դեկտեմբերի 31-ը: