Եթե Թուրքիան այսպես շարունակի, իր համար լավ չի լինի: Այս մասին այսօր` փետրվարի 12-ին, լրագրողների հետ հանդիպմանն ասաց ԱԺ ՀՀԿ խմբակցության անդամ Մկրտիչ Մինասյանը:
«Մենք այնպիսի տարածաշրջանում ենք ապրում, որտեղ անընդհատ լարումներ կան, այժմ մեծ գերտերությունների շահերը խիստ բախվում են իրար, Թուրքիան էլ փորձում է տարածաշրջանում դառնալ գլխավոր դերակատարը»,-ասել է պատգամավորը՝ հավելելով. «Այստեղ մի դրական բան կա, որ եւ Ռուսաստանը, եւ ԱՄՆ-ն, մի հարցում միասնական են: Խոսքը քրդերի նկատմամբ Թուրքիայի վերաբերմունքին «ոչ» ասելն է: Եթե Թուրքիան այսպես շարունակի, ապա իր համար այնքան էլ լավ չի լինի»:
Նրա խոսքով՝ այս արտաքին քաղաքականության զարգացումների համատեքստում Հայաստանը բազմաբեւեռ քաղաքականություն է վարում, որը բխում է Հայաստանի շահերից:
