Մինչեւ 2016թ. հուլիսի 31-ը ՎիվաՍել-ՄՏՍ-ի՝ «Խոսում է քաղաքը» սակագնային պլանի շրջանակում տրամադրվող ինտերնետի ծավալը մեծացել է: Նաեւ ավելացել է «Խոսում է քաղաքը» սակագնային պլանի տարբերակ 1-ի շրջանակում դեպի այլ ցանցեր զանգահարելու համար տրամադրվող խոսելաժամանակը:
«Ժամանակի հետ փոփոխվում են բաժանորդների՝ ինտերնետի եւ ձայնային ծառայությունների օգտագործման պահանջարկը եւ ծավալները: ՎիվաՍել-ՄՏՍ-ը պարբերաբար վերանայում եւ բարելավում է սակագնային պլանների առաջարկած հնարավորությունները՝ բաժանորդների կարիքներին առավել համապատասխանեցնելու համար»,-նշել է ՎիվաՍել-ՄՏՍ-ի գլխավոր տնօրեն Ռալֆ Յիրիկյանը:
Հիշեցնենք, որ այս սակագնային պլանով ֆիքսված ամսավճարի դիմաց բաժանորդը յուրաքանչյուր ամիս ստանում է նաեւ ներառված ներցանցային խոսելաժամանակ եւ SMS հաղորդագրություններ ուղարկելու հնարավորություն:
