ԻՊ ահաբեկչական խմբավորումը քիմիական զենք է օգտագործել Իրաքում եւ Սիրիայում ռազմական գործողությունների ժամանակ, հայտնում է Yahoo News-ը՝ վկայակոչելով ԿՀՎ տնօրեն Ջոն Բրենանին։ Այն մասին, որ գրոհայինները քլորին եւ իպրիտ են օգտագործում, Բրենանը հայտնել է CBS News հեռուստաալիքի եթերում։
«Մենք տեղեկություններ ունենք, որ ԻՊ-ը քիմիական զենք է օգտագործել ռազմական գործողությունների ընթացքում»,- ասել է ԿՀՎ ղեկավարը, փոխանցում է Gazeta-ն։
Բրենանը հայտնել է, որ դա առաջին նման խմբավորումն է, որը կարողացել է 1995թ. Տոկիոյի մետրոյի վրա հարձակումից ի վեր քիմիական զենք արտադրել եւ օգտագործել։ Այն ժամանակ գրոհն իրականացրել էին «Աում Սինրիկյո» խմբավորման ահաբեկիչները։
Իր հարցազրույցում նա նշել է, որ խմբավորումը կարող է մաքսանենգ ճանապարհով քիմիական զենք վաճառել Արեւմուտքին։