Հունական ոստիկանությունը արցունքաբեր գազ է կիրառել ագարակատերերի դեմ, որոնք քարեր են նետել Աթենքում գյուղատնտեսական նախարարության շենքի վրա, հայտնում է Gazeta-ն՝ վկայակոչելով Reuters–ը:
Աթենքի կենտրոնում հավաքվել են գյուղացիներ՝ Հունաստանի տարբեր մասերից, որպեսզի եռօրյա բողոքի ակցիա սկսեն կենսաթոշակային մուծումների ու հարկերի բարձրացման դեմ:
Նշում են, որ նախարարության շենքի վրա գրոհին մոտավորապես 800 գյուղացի է մասնակցել Կրետեից, որոնք քարեր են նետել շենքի վրա ու ջարդել պատուհանը:
Ավելի վաղ հույն գոյւղացիները ակտիվ բողոքում էին կոշտ տնտեսության միջոցառումների դեմ, որոնք ծրագրում է ներդնել կառավարությունը՝ նրանք փակել էին տրանսպորտային մայրուղին, որը միացնում է երկրի խոշորագույն քաղաքները՝ Աթենքն ու Սալոնիկին:
