Չեխիան պատրաստ է օժանդակել ՀՀ-ԵՄ փոխգործակցության խորացմանն ու վիզաների ազատականացմանն ուղղված գործընթացին: Այս մասին, այսօր՝ փետրվարի 12-ին, ՀՀ վարչապետ Հովիկ Աբրահամյանի հետ հանդիպման ժամանակ նշել է Չեխիայի առեւտրի եւ արդյունաբերության նախարար Յան Մլադեկը:
Կառավարությունից NEWS.am-ին հայտնում են, որ Հովիկ Աբրահամյանը եւ Յան Մլադեկն անդրադարձել են Հայաստան-Եվրոպական միություն հարաբերություններին:
Վարչապետը նշել է, որ Հայաստանը շարունակաբար զարգացնում է համագործակցությունը ԵՄ-ի հետ եւ արդեն իսկ մեկնարկել են նոր իրավական շրջանակային փաստաթղթի շուրջ բանակցությունները: