Տրանսպորտի եւ կապի նախարարության «Հեռուստատեսային եւ ռադիոհաղորդիչ ցանց» ՓԲԸ գլխավոր տնօրեն Գրիգոր Ամալյանը չի բացառում, որ մինչեւ մարտի 1-ին Հանրապետության մեծ մասում անալոգային հեռարձակումը կանջատվի:
«Անվճար սարքերն արդեն տրամադրել ենք Տարածքային կառավարման եւ արտակարգ իրավիճակների նախարարությանը: Նրանց պատասխանատուներն արդեն խոշոր մարզերում գրեթե 90 տոկոսով բաժանել են: Հենց պաշտոնապես հայտարարվի այդ մասին, մենք համապատասխան հայտարարությունը կանենք թվային հեռարձակման անցնելու մասին, որից հետո 10-օրյա ժամկետում կանջատենք անալոգային հեռարձակումը»,- NEWS.am-ի թղթակցին ասաց Գրիգոր Ամալյանը:
Հիշեցնենք, որ հեռուստատեսային հեռարձակման թվային համակարգի պետք է անցնեինք դեռեւս հունվարի 1-ին, սակայն սոցիալապես անապահով ընտանիքներին անվչար տրամադրվելիք սարքերը Հայաստան բերվեցին միայն կեսին: Նշենք, որ պետությունն այս պահին պատվիրել է 48 հազար 700 սարք, որոնք բաժանում են անապահով ընտանիքներին:
Դեռեւս հայտնի չէ, թե ամբողջությամբ անցում կկատարենք հեռարձակման թվային համակարգի:
