Էներգետիկայի նախարարությունը հնարավոր է համարում Ռուսաստանում նավթի արդյունահանման նվազումը, եթե նավթի գինը բարձրանա: Այս մասին հայտնում է ՏԱՍՍ-ը՝ վկայակոչելով Էներգետիկայի փոխնախարար Կիրիլ Մոլոդցովին:
«Տնտեսության տեսակետից եթե դուք ավելի քիչ եք արդյունահանում ու դա ազդում է գնի վրա, ապա բարձր գնով ավելի քիչ ծավալ վաճառելն, ըստ էության, տնտեսական առումով ավելի շահավետ է: Դրա համար էլ գնի հարցն է առաջանում: Մենք աշխատելու ենք գնի հարցի վրա»,- խոստացել է նա:
Մոլոդցովի կարծիքով, արդեն կարելի է խոսել նավթի արդյունահանման ծավալի հնարավոր կանոնակարգման մասին, քանի որ Ռուսաստանը «վերջին 8-10 տարիներին զգալիորեն առաջադիմել է տեխնոլոգիաների հարցում»:
