Ռուսաստանում Սերբիայի դեսպան Սլավենկո Տերզիչը հայտնել է, որ Սերբիայի իշխանությունները պատրաստ են կանոնակարգել Կոսովոյի հետ հարաբերությունները, բայց մտադիր չեն ճանաչել հանրապետության անկախությունը, հայտնում է ՏԱՍՍ-ը:
«ԵՄ-ում ասում են, որ Սերբիան պետք է Կոսովոյի ու Մետոխիայի հետ համաձայնագիր ստորագրել: Մենք պատրաստ ենք կանոնակարգել հարաբերությունները Սերբիայի տարածքի մի մասի՝ Կոսովոյի ու Մետոխիայի հետ: Բայց մենք պատրաստ չենք ճանաչել դրանց անկախությունը»,- ասել է Տերզիչը:
Նա նաեւ հիշատակել է, որ Կոսովոն ու Մետոխիան պատմական Սերբիայի մի մասն են՝ պատմական ու հոգեւոր ժառանգություն, որը տուժել է ալբանացի ծայրահեղականներից ու որին սպառնում է ոչնչացում: