Եվրոպայում Մերձավոր Արեւելքի փախստականների խնդիրը հումանիտար աղետի է վերածվել, եւ ԵՄ-ն պետք է խստացնի միգրացիոն հոսքի հսկողությունը։ Նման կարծիք է հայտնել ՌԴ վարչապետ Դմիտրի ՄԵդվեդեւը, փոխանցում է «Ինտերֆաքս»-ը։
Նրա խոսքով՝ ԵՄ-ն բացել է դռները մի ուժի առաջ, որից գլուխ հանել չի կարող։
Մեդվեդեւը Մյունխենի կոնֆերանսի նախաշեմին հայտնել է, որ ԵՄ-ն պետք է ամենամոտ ապագայում միգրացիոն խնդիրների կարգավորման հարցով հատուկ միջոցներ մշակի, հակառակ դեպքում եվրոպական երկրները կսկսեն միակողմանի կերպով պաշտպանել իրենց սահմանները, իսկ դա կհանգեցնի միասնական եվրոպական տարածքի փլուզմանը։
«Իմ կարծիքով ԵՄ երկրները պետք է կոշտ քաղաքական կամք ցուցաբերեն եւ խիստ
հսկողություն սահմանեն միգրացիոն հոսքի նկատմամբ»,- ասել է Մեդվեդեւը։
Նա նշել է, որ այսօր անհնար է կանխատեսել կատարվածի բոլոր հետեւանքները։