Այս պահին նախագահի նստավայր են ժամանում պաշտոնատար անձինք` մասնակցելու ՀՀ նախագահ Սերժ Սարգսյանի հետ հանդիպմանը:
Արդեն նախագանականում են մարզպետները: Շիրակի մարզպետ Ֆելիքս Ցոլակյանը լրագրողների հետ զրույցում հայտարարեց, որ տեղյակ չէ, թե ինչ հարցեր են քննարկվելու:
NEWS.am-ի հարցին, թե հնարավո՞ր է, որ շենքից դուրս գա որպես նախկին մարզպետ, Ցոլակյանը պատասխանեց «Չեմ կարող ասել, ինձ այդ մասին ոչինչ չեն ասել: Ամեն ինչ պարզ կլինի հետո»:
Իսկ Արագածոտնի մարզպետ Սարգիս Սահակյանն էլ հարցին, թե հնարավո՞ր է ձեր պորտֆելը տան ՀՅԴ-ին, արձագանքել է. «Չեմ կարծում, ես ձեզ հետ համամիտ չեմ»:
Նշենք, որ ՀՀ նախագահ Սերժ Սարգսյանը նախագահի նստավայրում հյուրընկալելու է օրենսդիր, գործադիր և դատական իշխանությունների, տարածքային կառավարման և տեղական ինքնակառավարման մարմինների ղեկավար կազմի ներկայացուցիչներին: ՀՀ նախագահը հանդես է գալու ելույթով, սակայն այն ոչ թե ՀՅԴ-ի հետ համագործակցության մասին է, այլ Սահմանադրության փոփոխությունների կենսագործման վերաբերյալ է: