Միացյալ Թագավորության դեսպանատան նպատակը հայ-բրիտանական հարաբերությունների զարգացման վերաբերյալ նոր նախաձեռնություններով հանդես գալն է: Այդ մասին փետրվարի 12-ին լրագրողներին հայտնել է Հայաստանում Մեծ Բրիտանիայի նորանշանակ դեսպան Ջուդիթ Ֆարնուորթը:
«Դա իմ աշխատանքն է, եւ ես շատ եմ ուզում շարունակել զարգացումն այդ ուղղությամբ», - հայտնել է նա:
2015-ի հոկտեմբերի վերջին Բրիտանիա Հայաստանի նախագահ Սերժ Սարգսյանի այցից կարճ ժամանակ առաջ եւ հետո բարձր մակարդակում, նախարարների մասնակցությամբ մի շարք հանդիպումներ տեղի ունեցան, այդ թվում նաեւ` ԱԳ նախարար Էդվարդ Նալբանդյանի, արդարադատության նախարար Արփինե Հովհաննիսյանի, պաշտպանության առաջին փոխնախարար Դավիթ Տոնոյանի մասնակցությամբ:
«Համանման այցեր են ակնկալվում նաեւ Մեծ Բրիտանիայից: Այժմ ամբողջ տարվա կտրվածքով գործողությունների ծրագիր է մշակվում», - հավելել է Ֆարնուորթը: