ՆԱՏՕ-ի գլխավոր քարտուղար Յենս Սթոլթենբերգը կարծում է, որ Սիրիայի հակամարտության լուծման մի մասը քրդերն են, որոնք զինված պայքար են մղում ԻՊ ահաբեկիչների դեմ։
«Քրդերը Սիրիայի հակամարտության եւ այդ հակամարտության լուծման մի մասն են»,- ասել է ՆԱՏՕ-ի գլխավոր քարտուղարը Մյունխենի կոնֆերանսի շրջանակներում։ Ակնկալվում է, որ Սիրիայի շուրջ բանակցություններին քրդերի մասնակցության հարցը կլինի քննարկվելիք թեմաներից մեկը, փոխանցում է «ՌԻԱ Նովոստի»-ն։
Սիրիայի հակամարտության կարգավորմանը քրդերի մասնակցության դեմ է հանդես գալիս Թուրքիան, որը կարծում է, որ քրդական կազմակերպությունները չպետք է ներկայացված լինեն Ժնեւի միջսիրիական խորհրդակցություններին եւ Սիրիայի միջազգային աջակցության խմբի հանդիպմանը։