ԵԱՀԿ Խորհրդարանական վեհաժողովի նախագահ Իլկկա Կաներվան Բուլղարիայից պատգամավոր Քրիստիան Վիգենինին նշանակել է Հարավային Կովկասում ԵԱՀԿ ԽՎ հատուկ ներկայացուցչի պաշտոնում:
Հատուկ ներկայացուցիչը կկենտրոնանա խաղաղության առաջընթացի եւ վստահության ամրապնդման միջոցների շուրջ Վեհաժողովի ջանքերի ուղղությամբ, ինչպես նաեւ շփման եզրեր կստեղծի ԵԱՀԿ ԽՎ-ի եւ տարածաշրջանում գործող կազմակերպության գործադիր կառույցների ու ներկայացուցիչների միջեւ, այդ թվում՝ ԵԱՀԿ երեւանյան գրասենյակի, Մինսկի խմբի, նրա համանախագահների եւ ԵԱՀԿ գործող նախագահի անձնական ներկայացուցչի միջեւ: