Գեղարքունիքի մարզի Գավառ քաղաքում փետրվարի 10-ին ընտանիքի անդամների՝ շմոլ գազի արտահոսքից թունավորման պատճառ է դարձել գազի անսարք կաթսան:
«Կալոնկան անհաջող էր աշխատում, վառվում, հանգում էր, ներս էր լցվել: Ընտանիքի անդամներն էլ խոհանոցում գործ էին անում: Դրա նախորդ օրը հարսանիք էր եղել, անընդհատ խոհանոցում աման էին լվանում, գնում, գալիս, չէին զգացել անմիջապես»,- NEWS.am-ին պատմեց ընտանիքի անդամներից մեկը:
Ընտանիքի անդամներից 4 կանանց ու երկու երեխաներին տեղափոխվել են հիվանդանոց՝ մտածելով, թե սննդային թունավորում է: Երեխաներն առաջին բուժօգնություն են ստացել ու դուրս գրվել, մյուսների վիճակը բավարար է:
Ավելի վաղ NEWS.am-ը հայտնել էր, որ շմոլ գազի թունավորումով հիվանդանոց են տեղափոխվել 37-ամյա Արմինե Ս.-ն, 12-ամյա Արեն Բ.-ն, 10-ամյա Անահիտ Բ.-ն, 56-ամյա Անահիտ Մ.-ն, 19-ամյա Օֆելյա Տ.-ն եւ 34-ամյա Մերի Ե.-ն: