Չիկագոյում մոթոր-շոուի ժամանակ հանրությանն են ներկայացրել Kia Niro քրոսովերը: Մեծ հաշվով, խոսքը ավտոմեքենաների մի ամբողջ դասի մասին է՝ Hybrid Utility Vehicle: Հարավկորեական ընկերությունը հատկապես հպարտանում է այն հանգամանքով, որ մեքենան ոչ միայն գործնական է, որքան համակրելի:
Նոր կոմպակտ SUV –ի հիմքում սեփական պլատֆորման է, որը Kia–ի ինժեներները մտադիր են այսուհետ էլ գործածել հիբրիդային ավտոմեքենաների մոդելային շարքի ընդլայնման նպատակով: Մասնավորապես ակնկալվում է այսպես կոչված միացվող հիբրիդի ստեղծում, որն ունակ կլինի աշխատել էլեկտրոքարի ռեժիմուն: 4.36 երկարության պարագայում՝ անվային բազան կազմում է 2.7 մետր, հայտնում է RG-ն:
Հատուկ այդ քրոսովերի համար մշակված 1.6 լիտր ծավալով ու 103 ձիաուժ հզորությամբ բենզինային շարժիչն աշխատում է 6 աստիճանանոց փոխանցման տուփով ու 32 կՎՏ հզորություն ունեցող էլեկտրական սինխրոն շարժիչով: Հիբրիդային սարքավորման ընդհանուր հզորությունը 146 ձիաուժ է: Վառելիքի ծախսը չպետք է գերազանցի 5 լիտրը՝ 100 կմ-ի համար:
Նորույթի հիմնական առավելություններից են նաև մի շարք ինտելեկտուալ համակարգեր, որոնցից են «կույր գոտիների» մոնիտորինգը ու քրուիզ կոնթրոլը, նաեւ UVO3 մուլտիմեդիա համակարգը՝ 7 դյույմանոց սենսորային դիսփլեյով, որն արդեն փորձարկվել է վերջին սերնդի Sportage քրոսովերների վրա: