Ուրբաթ Կուբայում Հռոմի պապ Ֆրանցիսկոսի ու Մոսկվայի եւ համայն Ռուսիո պատրիարք Կիրիլի ստորագրած հռչակագիրը «ոչ քաղաքական է կամ սոցիալական, այլ քահանայական»: Այս մասին, ինչպես հայտնում է Corriere della Sera–ը, Հռոմի պապն ասել է լրագրողներին Մեքսիկայում, ուր նա Կուբայից ժամանել է առաքելական այցով:
«Սա ոչ թե քաղաքական կամ սոցիալական, այլ քահանայական հռչակագիր է, հանդիպել են երկու եպիսկոպոսներ»,- պարզաբանել է Հռոմի պապը: «Միասնությունը հնարավոր է, երբ միասին են առաջ շարժվում: Եթե բացառապես աստվածաբանությամբ զբաղվենք, ապա երբ Աստված հայտնվի, նա կտեսնի, որ մենք դեռ վիճում ենք»,- հավելել է Ֆրանցիսկոսը, հայտնում է ՏԱՍՍ-ը:
Ստորագրված փաստաթուղթը, որը 30 կետից է բաղկացած, ներառում է հարցերի շատ լայն շրջանակ՝ ահաբեկչության միջազգային խնդրից ու Ուկրաինայի հակամարտությունից սկսած մինչեւ ավանդական արժեքների՝ օրինակ ընտանիքի պահպանում: