«Հյուսիսային հոսք 2» նախագիծը կյանքի կկոչվի՝ չնայած մի շարք արեւմտյան երկրների փորձերին՝ արհեստականորեն քաղաքականացնել այն: Այս մասին հայտնել է ՌԴ վարչապետ Դմիտրի Մեդվեդեւը, հայտնում է «ՌԻԱ Նովոստին»:
«Հիմա «Հյուսիսային հոսք-2» -ը իրականացման շեմին է: Բայց ցավոք, ինչպես եւ ցանկացած խոշոր գործում, որոշ պետություններ փորձում են այդ նախագիծը արհեստականորեն քաղաքականացնել, չնայած մենք տեսնում ենք, որ մի շարք երկրներ շահագրգռված են նախագծի երկրորդ փուլի իրականացման հարցում»,- ասել է նա:
Մեդվեդեւը նաեւ հայտնել է, որ տվյալ հարցն արդեն քննարկել է Ֆինլանդիայի վարչապետի ու Ավստրիայի կառավարության ներկայացուցիչների հետ: