ՀՅԴ-ի հետ համագործակցելով՝ ՀՀԿ-ին պետք է չեզոքացնել 2017-ի խորհրդարանական ընտրությունների հնարավոր ռիսկերը: Այս մասին, այսօր՝ փետրվարի 13-ին, NEWS.am-ի թղթակցի հետ զրույցում նշել է Միջազգային եւ անվտանգության հարցերի հայկական ինստիտուտի ղեկավար, քաղաքական վերլուծաբան Ստյոպա Սաֆարյանը:
Հարցին, թե ՀՀԿ-ի ինչին է պետք ՀՅԴ-ի հետ համագործակցությունը, հաշվի առնելով, որ ՀՀԿ-ն խորհրդարանում ունի մեծամասնություն եւ կարող է միանձնյա որոշումներ կայացնել, քաղաքագետը պատասխանեց. «ՀՅԴ-ի հետ համագործակցելով՝ ՀՀԿ-ին պետք է չեզոքացնել 2017-ի խորհրդարանական ընտրությունների հնարավոր ռիսկերը, քանի որ ՀՅԴ-ն որպես ֆորմալ դերակատար կարող է միանալ ընդդիմադիրներին, ինչպես եղավ քառյակի դեպքում: Դա թույլ չտալու համար ՀՀԿ-ին պետք է ազատ խաղացողներին վերցնել վերահսկողության տակ: ՀՅԴ-ին էլ դա պետք է, որովհետեւ, եթե չունենան լծակներ, 5 տոկոսի շեմը հաղթահարելու խնդիրը լուրջ է լինելու իր համար»:
Քաղաքագետի խոսքով, կարելի է ենթադրել, որ այս համագործակցությունը կարող է նաեւ ապագա կոալիցիայի՝ ՀՅԴ-ն ԲՀԿ-ՀՀԿ խարիսխը լինել: «Այժմ մենք տեսնում ենք ՀՀԿ-ի կողմից պոտենցիալ հակառակորդներին զսպելու քաղաքականություն»,-ամփոփեց Սաֆարյանը: