Թուրքիայի ԱԳ նախարար Մեւլութ Չավուշօղլուն փետրվարի 12-ի գիշերը հեռախոսազրույց է ունեցել ԱՄՆ պետքարտուղար Ջոն Քերրի հետ եւ քննարկել Սիրիայի քրդերի զինված կառույց YPG-ի նկատմամբ վերաբերմունքի հարցը:
Թուրքական Milliyet-ը գրել է, թե դիվանագիտական աղբյուրներից ստացված տեղեկությունների համաձայն Չավուշօղլու-Քերրի հեռախոսազրույցի գլխավոր թեման եղել է Սիրիայում տեղի ունեցող զարգացումները։
Մեւլութ Չավուշօղլուն կրկին Ջոն Քերրիին անհանգստություն է հայտնել, որ ամերիկյան կողմը ահաբեկչական չի համարում Սիրիայի քրդերի զինված կառույց YPG-ին։