Փետրվարի 14-ը ոչ պաշտոնական, բայց մասնագիտական աշխարհում լայնորեն նշվող Համակարգչային աշխատողի օրն է: 1946-ի փետրվարի 14-ին գիտական աշխարհում եւ բոլոր հետաքրքրվածներին ցուցադրվեց առաջին իրականում աշխատող էլեկտրոնային համակարգիչը` ENIAC I-ը (Electrical Numerical Integrator And Calculator):
Հետաքրքիր է, որ առաջին հաշվիչ մեքենայի մշակման աշխատանքները հովանավորում էր ամերիկյան բանակը, որին համակարգիչն անհրաժեշտ էր ռազմական հաշվարկներ կատարելու, պլանավորման եւ ծրագրավորման համար: ENIAC I-ն աշխատեց մինչեւ 1955-ի հոկտեմբերի 2-ի ժամը 23-ն անց 45, իսկ հետո ապամոնտաժվեց: Իհարկե, ավելի վաղ համակարգիչներ էլ են եղել, բայց դրանք բոլորը նախատիպեր եւ փորձարարական տարբերակներ էին: Իսկ եթե խոսեցինք դրա մասին, առաջին համակարգիչը Բեբբիջի վերլուծական մեքենան էր: Բայց ENIAC-ն առաջին մեքենան էր, որը գործնական խնդիրներ էր լուծում: Միաժամանակ հենց ENIAC-ից ժամանակակից համակարգիչները ժառանգեցին հաշվարկման երկուական համակարգը, տեղեկացնում է Calend-ը:
