News
Լրահոս
News
Երեքշաբթի
Մարտ 19
Տեսնել լրահոսը

Եթե մինչեւ այսօր ՀՀԿ-ՀՅԴ համագործակցությունը ձգձգվում էր ավելի շատ ՀՅԴ-ի կողմից քաղաքական առեւտրի, պորտֆելներ ստանալու հետ կապված, ապա հիմա ձգձգվում է ՀՀԿ-ի նախաձեռնությամբ: Այս մասին այսօր՝ փետրվարի 13-ին, NEWS.am-ի թղթակցի հետ զրույցում նշել է քաղաքական տեխնոլոգ Կարեն Քոչարյանը:

«Կարծում եմ հանրապետության նախագահը որոշել է կառուցվածքային փոփոխություններ անել, միգուցե նաեւ այլ` ներհանրապետական պորտֆելներում»,-հավելեց նա:

Դիտարկմանը, թե կա կարծիք, որ համագործակցությունը ձգձգվում է այն պատճառով, որ ՀՀԿ-ի ներսում խմորումներ ու դժգոհություններ կան, որ պորտֆելների մի մասը պետք է «անտեղի» զիջեն մեկ այլ ուժի, Քոչարյանն արձագանքեց. «Դա նոր բան չէ: 2003-ից, երբ սկսվեց կոալիցիա հասկացողությունը, այն ժամանակ Ռոբերտ Քոչարյանն էր երկրի նախագահը եւ կային ուժեր, որոնք պաշտպանել էին նրան եւ որոշակի տոկոսային բաշխվածությամբ ստեղծվեց կոալիցիա, իսկ արդեն սկսած 2007թ.-ից այդ պրոբլեմը միշտ եղել է, որ մենք ավելի ուժեղ ենք, ինչո՞ւ պետք է կիսվենք: Ես կարծում եմ բոլոր երկրներում էլ այդպես է, առավել եւս Հայաստանում»:

Հարցին, թե ՀՀԿ-ի ինչի՞ն է պետք ՀՅԴ-ի հետ համագործակցություն, քանի որ առանց դրա էլ ՀՀԿ-ն ունի մեծամասնություն խորհրդարանում եւ կարող է ցանկացած որոշում կայացնել, քաղտեխնոլոգը պատասխանեց. «Ես կարծում եմ որ դա եւ ներքին, եւ արտաքին ազդակների հետեւանք է: Ներքինը կապված է սահմանադրական փոփոխությունների հետ, այսինքն` մի քիչ ավելի հին պատմություն ունի, իսկ արտաքինը կապված է միջազգային ասպարեզում տեղի ունեցող գործընթացների ու հնարավոր զարգացումների հետ: «Եթե հաշվի առնենք, թե ինչ է կատարվում ռուս-թուրքական հարաբերություններում, այն, որ Թուրքիայի նախագահը դժգոհել ու դժգոհում է ԱՄՆ-ից, նաեւ Սիրիայի խնդիրներ, ապա կարծում եմ, որ Դաշնակցությունն էդտեղ նաեւ դեր ունի կատարելու հակաթուրքական դաշտում, որովհետեւ այլ ուժերը չեն մտնում այդ խաղի մեջ»,-ընդգծեց Քոչարյանը:

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
«Հրապարակ». Ի՞նչ գնումներ է կատարել Քրիստիննե Գրիգորյանը
Արտաքին հետախուզական ծառայության մասին սա, թերեւս, միակ տեղեկությունն է, որ հայտնի է։ Որեւէ մեկին...
«Ժողովուրդ». Գյուղատնտեսությունը անկում է ապրել. Նիկոլ Փաշինյանը խաբել է. մաս 183
Ժողովուրդ օրաթերթը համադրելով պաշտոնական տեղեկությունները, պարզեց, որ իրականում Հայաստանում...
«Հրապարակ». Փաշինյանին չի հաջողվում ՔՊ-ն դարձնել եվրոպական ազդեցիկ կուսակցություններից որեւէ մեկի անդամ
Դեռ շաբաթներ առաջ ՔՊ-ական մեր աղբյուրներն ասում էին, որ կարծես որոշում ունեն եւ անդամակցության հայտ են...
«Հրապարակ». Լեւոն Քոչարյանը կուսակցություն կբացի՞
Չկան կուսակցություն բացելու մտադրություններ, իսկ հիմա զբաղված եմ, շտապում եմ քննարկման...
«Ժողովուրդ». Դատական համակարգում ՍԴ դատավորի նոր հավանական թեկնածուի անուն է շրջանառվում
Քաղաքական իշխանությունը իր «սրտի» թեկնածուին է փորձում առաջ տանել, իսկ դատական համակարգը չի...
«Հրապարակ». Միլիարդներ նորաստեղծ ՊՈԱԿ-ների համար
Նախագծից տեղեկանում ենք նաեւ, որ ստեղծվելիք ՊՈԱԿ-ը պետք է զբաղվի ինչ-որ համակարգչային ծրագրերի...
Ամենաշատ