Թուրքիայի քրդական «Ժողովուրդների դեմոկրատական» կուսակցության պատգամավոր, Դիարբեքիրի նախկին քաղաքապետ Օսման Բայդեմիրը Twitter-ի իր էջում Թուրքիայի իշխանություններին բարբարոսներ ու մարդասպաններ է կոչել:
Օսման Բայդեմիրը Twitter-ի իր էջում ՄԱԿ-ի կենտրոնական գրասենյակի լուսանկարն է տեղադրել՝ գրելով հետեւյալ տողերը. «Պետական ահաբեկչությունը չպետք է անպատիժ մնա։ Հեյ, մարդասպաններ, բարբարոսներ, դուք դատվելու եք ու հաշիվ եք տալու»։
Նշենք, որ Դիարբեքիրի նախկին քաղաքապետ Օսման Բայդեմիրը Թուրքիայի եզակի քուրդ քաղաքապետերից է եղել, ով ճանաչել էր Հայոց ցեղասպանությունը, ներողություն խնդրել ու այցելել Երեւանում գտնվող Ցեղասպանության զոհերին նվիրված հուշահամալիր։