Արարատի մարզի Աբովյան գյուղի 40-ամյա բնակիչ Գրիգոր Կարապետյանը հաճախ է ալկոհոլ օգտագործում եւ անհանգստություն պատճառում համագյուղացիներին: Այս մասին NEWS.am-ի հետ զրույցում ասաց Աբովյանի գյուղապետ Ավետիք Հարությունյանը՝ նշելով, որ նրան մեկ անգամ արդեն ուղարկել են հարկադիր բուժման, սակայն չի բուժվել եւ հետ է վերադարձել:
Գտնվելով ալկոհոլի ազդեցության տակ՝ Գրիգոր Կարապետյանը հաճախ է վնասում իրեն, այդ պատճառով էլ մշտապես ոստիկանների հսկողության տակ է:
Գրիգորը ամուսնացած է եղել, սակայն բաժանվել է, նա այժմ ապրում է իր տարեց ծնողների հետ:
Ավելի վաղ տեղեկացրել էինք, որ Արարատի մարզի Աբովյան գյուղի 40-ամյա բնակիչ Գրիգոր Կ.-ն ալկոհոլի ազդեցության տակ գտնվելով՝ փորձել է վնասել իրեն:
Գրիգորը բուժման կարիք ունի եւ նրան շուտով կուղարկեն հարկադիր բուժման: