Տավուշի մարզի Գետահովիտ գյուղում, չգործող «Արցախ» ռեստորանային համալիրի մոտակայքում, որտեղից փետրվարի 13-ին հայտնաբերվել է չպայթած արկ, 1990-ական թ. եղել է զինամթերքի պահեստ: Այս մասին NEWS.am-ի հետ զրույցում ասաց Գետահովիտի գյուղապետ Արթուր Ղազարյանը:
Նա նշեց, որ արկը տեսել են տարածքում խաղացող երեխաները, որոնք տեղեկացրել են մեծահասակներին: Գյուղապետի խոսքով, առաջին անգամ է, որ տվյալ տարածքից արկ է հայտնաբերվում:
Ավելի վաղ տեղեկացրել էինք, որ Տավուշի մարզի Գետահովիտ գյուղում փետրվարի 13-ին հայտաբերվել է արկ:
ՀՀ ՊՆ սակրավորները տեղում իրականացրել են D30 (122մմ) հրանոթային արկի պայթեցման աշխատանքներ:
Հրշեջ-փրկարարները սահմանազատել են տարածքը և իրականացրել հերթապահություն: