Բիշքեկից ոչ հեռու` տղամարդուց փոքրիկ սրտիկների ձեւով սեղմված հաշիշ են առգրավել, հայտնել են Ղրղզստանի Թմրանյութի վերահսկողության պետական ծառայությունից (ԹՎՊԾ), տեղեկացնում է «Ինտերֆաքսը»:
Ղրղզստանի 40-ամյա բնակիչը ձերբակալվել է Շոպոկով քաղաքում` փետրվարի 14 –ին Վալենտինի օրվանից մի քանի օր առաջ: Թմրանյութի զանգվածը (ընդամենը 41 աղյուսիկ) 450 գրամ է կազմել:
ԹՎՊԾ-ի կայքում նշված է, որ օպերատիվ-որոնողական միջոցառումներն անցկացվել են փետրվարի 10-ին: Տղամարդուն կասկածել են թմրանյութի անօրինական շրջանառությանը հանցակցության մեջ: Հաշիշը գտել են նրա անձի խուզարկության ընթացքում` ժիլետի գրպանում:
Տեսչության ներկայացուցիչը Kloop.kg-ին հայտնել է, որ ձերբակալվածի խոսքով, ինքը սրտիկները «զվարճանալու համար» էր քանդակել: «Հաշիշը փափուկ ձեւ ունեցող թմրանյութ է, դրանից ինչ ասես, հնարավոր է քանդակել: Նա այդպիսի տրամադրություն ուներ: Ամենայն հավանականությամբ որովհետեւ Վալենտինի օրվա նախօրե է», — նշել են պետական ծառայությունից:
Սեւ շուկայում մեկ կգ հաշիշն ավելի քան 200 հազար սոմ արժե: 2015-ի ընթացքում Ղրղզստանում ավելի քան 5 տոննա արգելված միջոցներ են առգրավել: Թմրանյութի մեծ մասը երկիր է գալիս Աֆղանստանից` «հյուսիսային երթուղով», գրում է Kloop.kg-ը:
