«Հաբլ» աստղադիտակը հսկայական սեւ անցք է նկարահանել: ESA եվրոպական տիեզերական գործակալությունն իր կայքում Տիեզերքի մեծաագույն սեւ անցքերից մեկի նոր լուսանկարն է հրապարակել:
Մասնագետները այն «նիրհող հսկա» են անվանել: Սեւ անցքը գտնվում է NGC 4889 գալակտիկայում՝ մեր մոլորակից 300 մլն լուսնային տարվա հեռավորության վրա: Ներկայումս այն իրեն հանգիստ է պահում, սակայն մասնագետները ենթադրում են, որ դա խաբուսիկ է: Նրանք վստահ են, որ գալակտիկան խորհրդավոր գաղտնիքներ է պարունակում, փոխանցում է Informing-ը:
Գիտնականները ենթադրում են, որ գալակտիկայի խորքում իրոք հսկայական սեւ անցք է թաքնված: Մի քանի տարի առաջ, երբ ստացվել էին առաջին լուսանկարները, մասնագետները դրա զանգվածը գնահատում էին 9.8 մլրդ Արեւի զանգված: Սակայն նոր լուսանկարները օգնել են պարզել, որ նրա զանգվածը Արեւի զանգվածից 21 մլրդ անգամ շատ է: Իսկ դա նշանակում է, որ «նիրհող հսկան» գիտությանը հայտնի 2 ամենամեծ սեւ անցքերից մեկն է:
Գիտնականները նման անվանումը բացատրել են այն հանգամանքով, որ աստղադիտակն անցքը նկարել է հանգստի վիճակում: Սեւ անցքը խաղաղվել է եւ դադարել է աստղեր ու փոշի կլանել: Այս պահին դրանք հանգիստ եւ ազատ պտտվում են հսկայի շուրջ: Սակայն հայտնի չէ, թե որքան կշարունակվի այդ հանդարտությունը:
