Սիրիացի քրդերն ու Փեշմերգայի ջոկատների հետ կապ ունեցող այլ ուժեր չպետք է օգտվեն իրավիճակից եւ նոր տարածքներ գրավել: Reuters-ի փոխանցմամբ, այս մասին հայտարարել է ԱՄՆ պետքարտուղարության պաշտոնական ներկայացուցիչ Ջոն Քիրբին:
«Մեզ հայտնի են նաեւ թուրքական սահմանից հրետանային գնդակոծությունների մասին: Թուրքիային կոչ ենք անում դադարեցնել այդ գնդակոծությունները»,- հայտարարել է նա:
Թուրքիայի վարչապետ Ահմեդ Դավութօղլուն հայտարարել է, որ Անկարան կշարունակի պատասխանել Փեշմերգայի գործողություններին: Երկրի արեւելյան Էրզինջան քաղաք կատարած այցի ժամանակ նա նշել է, որ քրդական ուժերը պետք է հեռանան զբաղեցրած տարածքներից եւ այլեւս չվերադառնան: