Ռուսաստանի դիվանագիտությունը ծառայում է ռազմական ագրեսիային: New York Times-ի փոխանցմամբ, այս մասին Մյունխենի միջազգային համաժողովում հայտարարել է ԱՄՆ սենատոր Ջոն ՄաքՔեյնը:
Նա քննադատել է Սիրիայում կոալիցիայի ռազմական գործողությունների ժամանակավոր դադարեցման մասին համաձայնագիրը:
«Ընդդիմությանը ստիպում են դադարել պայքարել, իսկ Ռուսաստանին թույլ են տալիս ռմբակոծել ահաբեկիչներին. նրա խոսքով՝ դրանք բոլորն են, նույնիսկ խաղաղ բնակիչները»,- հայտարարել է ՄաքՔեյնը:
«Պուտինը շահագրգռված չէ մեր գործընկերը լինելու հարցում: Նա ցանկանում է կրկին Ռուսաստանը խոշոր ուժ դարձնել Մերձավոր Արեւելքում»,- հավելել է նա: ՌԻԱ Նովոստիի փոխանցմամբ, ՄաքՔեյնը նաեւ հայտարարել է, որ Ռուսաստանը կարողացավ հաստատվել այդ դերում: