Բրիտանական Viola Beach սկսնակ ռոք խմբի անդամներն ու նրանց մենեջերը զոհվել են Շվեդիայում տեղի ունեցած վթարի հետեւանքով: BBC-ի փոխանցմամբ, նրանց ավտոմեքենան վաղ առավոտյան Ստոքհոլմից ոչ հեռու ընկել է կամրջից:
Խումբը Շվեդիա էր մեկնել՝ մասնակցելու Where Is the Music փառատոնին, իսկ փետրվարի 14-ին պատրաստվում էր հանդես գալ հայրենի Սուրեյ կոմսության Գիլդֆորդ քաղաքում:
BBC Radio 1-ի մեկնաբան Հյու Ստեֆանսը խմբի անդամներին խոստումնալից երաժիշտ էր համարում:
