Երեւանում փետրվարի 28-ի լույս 29-ի գիշերը կրակոցներ են հնչել: Անհայտ անձինք հրազենային վնասվածք ստացած երիտասարդին բերել, թողել են «Սուրբ Գրիգոր Լուսավորիչ» բժշկական կենտրոնի բակում եւ հեռացել են:
NEWS.am-ի թղթակցի հետ զրույցում ԲԿ-ի փոխնտօրեն Գագիկ Մանուկյանը հայտնեց, որ երիտասարդի վիճակը ծանր է, միացված է արհեստական շնչառության ապարատին:
«Երիտասարդը Վերակենդանացման բաժանմունքում է: Դեպքի մանրամասները չգիտենք, գիտենք միայն, որ բերել, թողել էին մեր հիվանդանոցի բակում եւ հեռացել»,- ասաց Գագիկ Մանուկյանը:
NEWS.am-ի տեղեկություններով վիրավորը Նոր Արեշից է, անունը՝ Արթուր: