Ընտրություններին մասնակցածների ցուցակը հրապարակելը ցանկալի չէ: Այս մասին, այսօր՝ մարտի 11-ին, Ընտրական օրենսգրքի նախագծի հասարակական քննարկման շրջանակներում, լրագրողների հետ զրույցում նշել է արդարադատության նախարար Արփինե Հովհաննիսյանը:

Անդրադառնալով ընդդիմության պահանջին՝ կապված ընտրություններին մասնակցած քաղաքացիների ցուցակը հրապարակելու հետ, նախարարն ընդգծել է, որ այդ հարցի վերաբերյալ կա Սահմանադրական դատարանի որոշումը, որի համաձայն, նման ցուցակի հրապարակումը քաղաքացիների գաղտնի քվեարկության իրավունքի խախտում է: