Այսօր տարվա առաջին «Սուպեր կլասիկոյի» օրն է: «Բարսելոնան» տանը խաղալու է «Ռեալի» հետ, այդ պատճառով երեկոյան մոռանում եք ամեն բան և ժամը 22:30-ին գամվում հեռուստաէկրանների առջեւ: «Բարսելոնան» խաղին մոտենում է, իհարկե, բարձր տրամադրությամբ: Առաջին խաղում Լուիս Էնրիկեի թիմը պարզպես ոչնչացրեց «Ռեալին» մրցակցի դաշտում: Այն ժամանակ, երբ երկու թիմերն էլ ունեին չեմպիոնության հույսեր: Այժմ «Ռեալը» պետք է հաղթի, որպեսզի ինչ-որ կերպ վերականգնվի երկրպագուների աչքերում, իսկ «Բարսելոնային» այս հաղթանակը պետք է առաջին հերթին ոչ թե միավորների համար (անգամ պարտվելու դեպքում թիմը մեկ ոտքով արդեն չեմպիոն է), այլ թիմի լեգենդ Յոհան Կրոյֆի համար: Սա առաջին «Կլասիկոն» է լինելու առանց «թռչող» հոլանդացու: Կապտանռնագույների մարզչի խոսքով՝ «Ռեալի» դեմ տարած հաղթանակը այն է, ինչ կուզեր Յոհանը:
Տվյալներ
Այս երկու թիմերի վիճակարգությունը «Ռեալի» կողմը: Նրանք երկու հաղթանակ ավելի են տարել, քան կատալոնացիները և խփել 11-ով ավելի շատ գնդակ: «Բարսելոնան» այս պահին ունի 76 միավոր, Ռեալը՝ 66: Լա լիգայի երեք լավագույն ռմբարկուները հանդես են գալիս այս երկու թիմերում: Ռոնալդուն իր հաշվին ունի գրանցած 28 գոլ, Սուրաեսը՝ 26: Սակայն բոլորի ուշադրությունը լինելու է Մեսիի վրա: Եվ ոչ թե նրա համար, որ արգենտինացին այս պահին աշխարհում լավագույնն է, այլ նրա համար, որ հենց այս խաղում Մեսին կարող է խփել կարիերայի 500 գոլը: Բնականաբար, նա և բոլոր կուլեները կցանկանան, որ դա լինի հենց «Ռեալի» դարպասին: «Բարսելոնայի» մարզիչ Լուիս Էնրիկեն խաղից առաջ ասել է, որ ինքն անգամ բոլոր մարզումները իրար հետ գումարած կարիերայի ընթացքում այդքան գոլ չի խփել: Մեսի – Ռոնալդու դիմակայությունը միշտ էլ հետաքրքիր է լինում: Մեսին նաև «Կլասիկոների» պատմության լավագույն ռմբարկուն է իր 21 գոլերով: «Կլասիկոն» նաև MSN – BBC եռյակների դիմակայությունն է: Կասկած չկա, որ այս պահին «Բարսելոնայի» եռյակը լավագույն է, սակայն հարավամերիկացիները վերջին շաբաթում իրենց ազգային հավաքականներում հանդիպումներ անցկացնելու համար ինքնաթիռով երկար ճանապարհ են անցել, մինչդեռ Արքայական ակումբի տղաներից միայն Ռոնալդուն է աշխատել, իսկ Բենզեման և Բեյլը հանգստացել են: Վերջին հինգ խաղերում «Ռեալը» փխել է 18 գոլ՝ չկրելով ոչ մի պարտություն: «Բարսելոնան» խփել է 20 գոլ: Վերջին խաղում ոչ ոքի է խաղացել «Վիլյառեալի» հետ: «Բարսելոնան» շարունակում է իր անպարտելի հաղթարշավը Լա լիգայում: «Ռեալին» չպարտվելու դեպքում այդ թիվը կհասնի 23-ի:
Սպասելիքներ
Խաղը բացի նրանից, որ նվիրված է լինելու Յոյան Կրոյֆի հիշատակին, հետաքրքիր կլինի նաեւ նրանով, որ սա Զինդեին Զիդանի առաջին «Կլասիկոն» է գլխավոր մարզիչի պաշտոնում: Զիդանը և Լուիս Էնրիկեն իրար լավ են ճանաչում: Բոլորը հիշում են նրանց վեճը խաղի ժամանակ, իսկ ինչպիսին կլինի նրանց մարզչական դիմակայությունը, պարզ կդառնա այսօր: Էնրիկեն արդեն ապացուցել է, որ նրան հաջողվեց դառնալ մարզիչ, իսկ Զիդանին դեռ ծանր օրեր են սպասվում, սպասելիքները շատ են: Վնասվաքծներ ունեն երկու թիմերն էլ: «Բարսայում» չկա Մաթյոն, իսկ «Ռեալում»՝ Վարանը, բայց սրանք, իհարկե, « Կլասիկոյին» ոչ մի կերպ չխամրեցնող բացակայություններ են:
Ես եղել եմ թե՛ Մադրիդում, թե՛ Բարսելոնայում: Զգացել եմ երկու քաղաքների ֆուտբոլային շունչը: Եղել եմ «Սանտյագո Բերնաբեուում» և « Նոու Կամպում»: Որպես մարզադաշտ՝ «Ռեալինը» ինձ ավելի է դուր եկել: Երկու քաղաքներն էլ ապրում են ֆուտբոլով և ատում մրցակցին: Բայց կա մի բան, որն իսկապես կարելի է զգալ միայն հայտնվելով ըմբոստ Կատլոնիայում: «Բարսելոնա» թիմը իսկապես նրանց համար ավելին է, քան պարզապես ֆուտբոլային ակումբ, դա նրանց փիլիսոփայությունն է, նրանց ուղերձն աշխարհին, ինչպես նաև ըմբոստությունը: Այդ պատճառով, երբ շատերն ասում են, որ այս «Կլասիկոն» այդքան մեծ նշանակություն չի ունենա, քանի որ մրցաշարային աղյուսակում պայքարն ավարտված է: «Ռեալին» սպասվում է հեշտ մրցակից «Վոլֆսբուրգը», իսկ «Բարսելոնային» պինդ կորիզ «Աթլետիկոն»: Ես հավատում եմ նրան, ինչ տեսել եմ: «Բարսելոնայի» երկրպագուների համար «Կամպ Նոու» մտնող մրցակիցը պետք է մահանա դաշտում: Այդ պատճառով այսօր մենք չենք ձանձրանա:
Կանխատեսում
Հաշվի առնելով թիմերը վերջին գոլառատ խաղերը՝ ես կարծում եմ, որ այս խաղում կգործի տոտալ շատ տարբերակը: «Բարսելոնան» տանը կհաղթի և ռիսկի կգնամ ու կասեմ, որ Մեսին կհագնի 500 համարով մարզաշապիկ:
Վերա Մարտիրոսյան