Ակնհայտ է, որ Ադրբեջանն ավելի շատ հիմքեր ուներ Լեռնային Ղարաբաղում լարվածություն հրահրելու համար, գրում է Frankfurter Allgemeine Zeitung գերմանական պարբերականը՝ անդրադառնալով Լեռնային Ղարաբաղում վերջին լարված զարգացումներին։
2003-ին հորից իշխանությունը ժառանգած Իլհամ Ալիեւը բացառում է համար մեկ ոխերիմ թշնամու հետ հաշտվելու գաղափարը եւ միշտ էլ կրկնում էր այդ տարածքները հետ բերելու իր մտադրությունը։ Նրա ռեժիմի քննադատները, որոնք հաշտության կողմնակիցներ են, ցուցադրական դատական գործընթացներում մեղավոր են ճանաչվել եւ բանտարկվել։
Նավթի գների անկման հետեւանքով փլուզվող տնտեսության վրա կանգնած Ադրբեջանում վերջին ներքին լարումները, սոցիալական բողոքները ճնշվում էին ծանր բռունցքով։ Եվ ռազմական հարձակումը այդ առումով փորձ էր ժողովրդին համախմբել իր ռեժիմի շուրջ։
Սակայն դրան հակադրվում է այն փաստը, որը հակամարտությունում արագ հաղթանակը՝ այսպես կոչված «բլից-կրիգը», ռազմական առումով Ալիեւի համար ուղղակի անհնար է, ինչը նա էլ պիտի որ արդեն հասկացած լիներ, գրում է թերթը։
